Fuad Qəhrəmanlının boşanma məhkəməsi 5-ci dəfə təxirə salındı

Bu yazı 630 dəfə oxunub!

Abşeron Rayon Məhkəməsində hakim Elman Məmmədovun sədrliyi ilə Zümrüd Yağmurun həyat yoldaşı Fuad Qəhrəmanlıya qarşı boşanma ərizəsi əsasında məhkəmə prosesi növbəti dəfə təxirə salınıb.

Olkem.info Trend-ə istinadən bildirir ki, bu barədə Z.Yağmurun vəkili Zibeydə Sadıqova məlumat verib.

Vəkil bildirib ki, hakim prosesi növbəti dəfə təxirə salıb: “Baxmayaraq ki, tərəflərin hər ikisi məhkəməyə boşanmağa görə razılıq veriblər. Amma hakim prosesi uzadır. Bu dəfə hakim əsas gətirdi ki, Fuad Qəhrəmanlı həbsdədir və məhkəmədə iştirak edə bilmədiyi üçün proses təxirə salınır. Buna görə də növbəti məhkəmə prosesi noyabrın 21-nə təyin olundu”.

Qeyd edək ki, məhkəmə prosesi artıq 5-ci dəfədir ki, təxirə salınır.

Xatırladaq ki, Zümrüd Yağmur AXCP sədrinin sabiq müavini Fuad Qəhrəmanlı ilə nikahının pozulması məqsədilə Abşeron rayon Məhkəməsinə müraciət edib.

Bu yazı 630 dəfə oxunub!